Durangarrek arnasa hartu dute sailkapenean, bi garaipen eta aste honetako berdinketaren ostean
FUTBOLA | Laugarren astez jarraian, Culturala kapaz izan da puntuak batzeko. Guztira, bi garaipen eta bi berdinketa, azkena, asteburu honetan Deustoren aurka etxetik kanpo jokatutako partidan.
Partida horretan, Aketza Gonzalezen gizonek lehiari eutsi zioten defentsan sendotasunez, azken jardunaldietako sentsazio onekin jarraitzeko. “Lerro guztietan oso landuta eta defentsan txukun. Oso serio aritu ginen, eta horri esker hirugarren partida jarraian lortu dugu golik jaso gabe. Aurkaria Play Offean sartzeko lehiatzen ari da eta oso pozik gaude taldearen erantzunarekin “, adierazi du Jon Garai ‘Tuto’ klubeko kirol zuzendariak.
Bestalde, gure ordezkarien emaitzak hemen.
Lehenengo RFEF
Unionistas de Salamanca 1 – SD Amorebieta 0
Hirugarren RFEF
Deusto 0 – Culturala 0
Lehentasunezkoa
Iurretako 0 – Arratia 5
Elorrio 2 – Mungia 0
Abadiño 0 – Gernika Sporting 1
Lekeitio 0 – Zaldua 2
Lehen eskualdekoa
Ermua 3 – Artibai 0
Atxulaur 0 – Ezkurdi 1
