Kontzertuez gain, DJ saioez, kale musikaz eta udalerriko hainbat eszenatokitan antolatutako jarduerez gozatu ahal izango dute bertaratuek
AMOREBIETA-ETXANO | Udalak 2026ko Karmen Jaietako kontzertuen programa ofiziala. Jaiak uztailaren 15etik 27ra ospatuko dira. Prentsaurrekora bertaratu dira udalerriko alkatea, Ainhoa Salterain, kultura eta kirol zinegotzia Koldo Bilbao eta parte hartuko duten artistetako batzuk.
Urtero bezala, musika-programazioa abenduan egindako herritarren inkestatik abiatu da, eta bertatik sortu dira egitarauan jasotako bost proposamen. Horrez gain, Udalak proposamenen aukeraketa zaindua egin du, gustu eta adin guztietarako 20 emanalditik gorako egitaraua osatuz.
Baieztatutako artisten artean, El Drogas, Chenoa, Latzen eta Ruper Ordorika bezalako talde eta artistak nabarmendu dira. Era berean, aurten tokiko artisten parte-hartze handia izango da, DJ Rednal, Eztandap, Heitxi eta Jonkass-en emanaldiekin. Zornotzako Musika Bandak Serafín Zubirirekin batera jardungo du Nino Bravori omenaldia egiteko, eta aurtengo Txistularien Alardeko gonbidatua Betagarriko abeslari Iñaki Ortiz de Villalba izango da.
Bestalde, emakume euskaldunek ere protagonismo berezia izango dute Süne eta Neomak taldeen kontzertuekin. Era berean, orkestrek eta erromeriek ere izango dute tokia, Oxabi eta En Esenzia taldearen eskutik. Gainera, Txapela Brava taldeak euskal eta mexikar doinuak uztartuko ditu, egitarau anitz eta ordezkagarria osatuz.
Zubiondo eta Zelaietako agertoki nagusietatik harago, kontzertu eta ikuskizun gehiago ere izango dira, besteak beste, Cris Orube eta Jess on Decks artistek eskainiko duten Salseo Jaiak Showa, eta Mister Kul DJ-ren 90’s Jaia. Horrez gain, kale musikako hainbat emanaldi ere izango dira, udalerriko gune ezberdinak girotzeko.
Ainhoa Salterain Amorebieta-Etxanoko alkateak nabarmendu duenez, “jai hauek kulturaren eta musikaren alde egiten dugun apustua islatzen dute, herritarren parte-hartzea sustatzeko eragile gisa. Auzo eta herritar guztiak protagonista sentitzea nahi dugu, askotariko, inklusiboa eta kalitatezkoa den egitarau batez gozatuz”.
Kartel zabal honekin, Udalak kultur eta musika esperientzia osoa eskaini nahi du, herritarren parte-hartzea indartuz eta tokiko tradizioak modu anitz eta inklusiboan ospatuz.
Kontzertu eta emanaldien egitaraua
Zubiondo agertokia:
- EL DROGAS
- CHENOA
- LATZEN
- SÜNE
- SERAFIN ZUBIRI & ZORNOTZAKO MUSIKA BANDA
- HEITXI
- JONKASS
- DJ REDNAL
Zelaieta agertokia:
- NEOMAK
- RUPER ORDORIKA
- TXAPELA BRAVA
- OXABI
- EN ESENZIA
- TXISTU ALARDEA (IÑAKI ORTIZ DE VILLALBA)
Plaza eta aire zabaleko guneak:
- SALSEO JAIAK SHOW (Cris Orube & Jess on Decks)
- 90’S JAIA (MISTER KUL DJ)
- Kale musikako emanaldiak: PANDA’S COVER GANG, ZO-ZONGÓ eta bestelako ikuskizunak
