Denboraldiko hamargarren garaipena lortu zuten durangarrek
SASKIBALOIA | Tabirako Baque Lehen Nazional mailako emakumezkoen taldeak ospe handiko garaipena lortu zuen etxetik kanpo La Salleren aurka (ligako bosgarren postuan dago) 55-58. Horrela, durangarrek denboraldiko hamargarren garaipena lortu dute.
Antxon Imaz, Joseba Arkarazo, Maren Hormaetxea eta Jorge Uriarteren gidaritzapean, bilbotarren aurka partida handia jokatu zuten. Lehen laurdena 18 puntuko berdinketarekin amaitu ondoren, bigarrenean, atsedenaldira bost puntuko aldearekin joan ziren (31-36).
Aldageletatik igaro ondoren, Tabirakok bigarren zati bikaina egin zuen aurkarien erasoei eutsiz (42-46) eta azken partzialean, garaipen handia lortu zuen kantxa batean eta aurkari zail baten aurrean.
Tabirakoren saskiratzaile nagusia Fatou Sané izan zen, 13 puntu eta 5 erreboterekin, eta ondoren Nerea Imaz, 10ekin. Bineta Sanek 8 puntu eta 7 errebote lortu zituen eta Elene Sarasuak zortzi. Tabirakok Lointek Gernika hartuko du ostiral honetan Landako kiroldegian (19:45ean).
