Zaharberritze-lanak Artelis Conservación y Restauración, S.L. enpresak egin ditu
DURANGO | Durangoko Udalak Pinondoko parkean dauden bi eskulturen kontserbazio-lanak amaitu ditu: Pinondoko gurutzea eta Pablo Pedro Astarloaren eskultura. Lanak bi asteko epean burutu dira eta Udalak kultur ondarea zaintzeko duen konpromisoaren erantzuna dira.
Pinondoko parkean dauden eskulturak, Udal Arau Subsidiarioetan babestu beharreko elementu gisa jasota daudenak, narriadura-sintomak zituzten, hala nola zikinkeria metatua eta denboraren eta ingurumenaren eraginak sortutako kalteak. XVI. mendeko harrizko Pinondoko gurutzeak, kolonizazio biologikoak eta kutsadura substantzien presentzia bezalako hainbat arazo zirela medio, zaharberritze premiazkoa behar zuen.
Zaharberritze-lanak Artelis Conservación y Restauración, S.L. enpresak egin ditu, 8.457,90 euroko inbertsioa eginez. Lanok Euskal Kultura Ondareari buruzko Legeak eta Espainiako Ondare Historikoari buruzko Legeak ezarritako estandar teknikoei jarraituz egin dira, esku-hartze arduratsua eta egokia bermatuz.
