Astelehenaz geroztik martxan, Iurretako Zuzendaritza Batzorde berriak bere asmoak azaldu ditu
FUTBOLA | José Antonio Sagarnaga “Johan” presidente dela, aro berri bat hasiko da Larrakozelaian. Agintari berriak badaki zer den erakundearen buru izatea, eta Ohorezko Maila laster berreskuratuko duela espero du, lehen taldetik Preferente taldera jaitsi ondoren. «Espero dut gora egin ahal izatea, baina ez gara erotu ere egingo». Presidenteak Jon Gurutz Vazquez entrenatzailearentzako hitzak ere izan ditu, ez baitu jarraituko klubean hogei urte eman ondoren.
Durangaldeko Telebistak Dario Suffardi, talde iurretarraren presidenteorde berriarekin ere hitz egin du zuzendaritza batzorde berriaren asmoen berri izateko, harrobia nola landuko duten eta laster bazkide berriak erakartzeko ekimen berritzaile baten berri emango dutela aurreratu digu. Joan den astelehenetik zuzendaritza batzorde berriko kide dira.
