DOT Durangaldea

94 6550 033   info@dot.eus

ZUZENEAN

Asteburuan 25 gradu baino gehiago eta ekaitzak izan daitezke Durangaldean

Ez da baztertzen ekaitzen bat izatea datozen egunetan eskualdean

Eguzkia hodei batzuekin Durangaldean ostiral honetarako GRAFISMOA: Unai Garcia
Eguzkia hodei batzuekin Durangaldean ostiral honetarako GRAFISMOA: Unai Garcia

EGURALDIA | Aurreikusita zegoen bezala, beroa egun batzuetarako itzuli da, astelehenera arte ziurrenik. Merkurioa 30 graduren bueltan ibiliko da eskualdean, eta bero horrek ezegonkortasuna eragingo du datozen egunetan, ekaitzak izan baitaitezke.

Ostirala, eguzkiarekin

Ostiralean eguzkiarekin jarraituko dugu eta tenperaturak zertxobait gora egingo du. Giro eguzkitsua eta goi-hodei batzuk. Arratsalde-gauean bero-hodei batzuk ager daitezke, baina ez dute ondoriorik izango. Haizea hego-ekialdetik hasiko da eta arratsaldean ipar-ekialdetik finkatuko da. Maximoak 25-27 gradu ingurukoak izango dira barnealde osoan, eta 23-25 gradukoak kostaldean.

Larunbata, ezegonkorragoa

Larunbata giro eguzkitsuarekin hasiko dugu, baina arratsaldean ezegonkortasuna areagotu egingo da. Egunaren lehen partean, hego-haizea ibiliko da; hodeiak eta ostarteak tartekatuko dira, eta udaberriko tenperaturak izango dira. Arratsaldean bero-hodeiak ugarituko dira eta hodeiak ugaritu egingo dira. Hala ere, arratsaldean edo gauean zaparrada trumoitsuak botako ditu. Gainera, kantauri isurialdean haizea iparraldetik finkatuko da arratsaldean.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

Scroll to Top