Euskalmetek abisu horia aktibatuko du 18:00etatik 00:00etara prezipitazio handiengatik
Aste honetako eguraldiaren aurreikuspena GRAFISMOA: Unai García
EGURALDIA | Gaur, astelehena, eguraldia, batez ere goizekoa, atsegina bada ere, euria presente egongo da arratsaldetik aurrera eta, gainera, euria egingo du egun guztietan. Gainera, bihartik aurrerako tenperaturak ohi baino freskoagoak izango dira, 17 edo 19 graduko maximoekin. Euskalmetek abisu horia aktibatuko du 18:00etatik 00:00etara prezipitazio handiengatik, eta ordubetean 15 litro pilatu daitezke metro koadroko.
Astelehena, eguzkia eta euria
Eguraldi eguzkitsua izango dugu astelehen goizean, hegoaldeko haizearekin eta tenperatura altuagoekin; maximoak nabarmen igoko dira eta 25 gradu ingurura iritsiko dira. Eguerdi partean erdi mailako hodeiak eta goi-hodeiak ugarituz joango dira eta ondoren hodei trinkoagoak agertuko dira. Arratsalde-gauean zerua oso hodeitsu egongo da eta zaparradak botako ditu. Arratsaldean, haizeak ipar-mendebaldetik joko du, eta bolada oso gogorrak izango dira kostaldean.
Asteartea, freskoa
Asteartean tenperaturak behera egingo du berriro, eta udazkeneko itxura izango du. Eguraldiak ere gora egingo du, hodei ugarirekin eta prezipitazioekin; goizaldean zaparradak botako ditu, batez ere ekialdean, eta gainerako orduetan tarteka euria egingo du, batez ere arratsalde-gau partean. Mendebaldeko haizea ibiliko da kostaldean, eta ipar-mendebaldekoa nagusituko da arratsaldean; barnealdean iparraldeko haizea nagusituko da, bereziki arratsaldean.
