Publikoaren Saria Gregoriak taldearentzat izan da
DURANGO | Durangok joan den martxoaren 15ean, larunbatean, Abesti Feministen Lehiaketaren zazpigarren edizioa ospatu zuen. Urtez urte, ekitaldi honek musika bidez genero-berdintasunaren aldeko erreferente kultural gisa sendotzen jarraitzen du. 2025eko edizio honetan, lehiaketak hainbat artista eta talderen talentua aitortu du, beren konpromiso soziala beren konposizioen bidez transmititzen jakin dutelako.
Bakarlari kategorian, 30 urtetik beherakoentzako abesti onenaren saria (600€) BIREN abeslariarentzat izan zen, “Pompeya” abestiarekin. 30 urtetik gorakoentzako saria (500€) Marga Pocoví eta Biel Tous artistentzat izan zen, “Aquí estoy yo” abestiarekin.
Taldeen kategorian, 30 urtetik beherakoentzako abesti onenaren saria (600€) NAZ Taldea-rentzat joan zen, “Besterik Ez” abestiarekin. 30 urtetik gorakoen saria (500€) LOIDA taldearentzat izan zen, “El Club de las Flipadas” abestiarekin.
Horrez gain, ikusleek abesti gustukoena aukeratzeko aukera izan dute, eta Publikoaren Saria (350€) Gregoriak taldearentzat izan da, “Gizadi Erdi Zorigaiztoa” abestiarekin. Bestalde, Euskarazko Abesti Onenaren Saria (350€) Trouble Woman taldeak irabazi du, “Loreak” abestiarekin.
Durangoko Udalak irabazle guztiak zoriontzen ditu, parte-hartzaile guztien inplikazioa eskertzen du eta ekimenaren arrakasta ospatzen du. “Musika mezu indartsu baten eramaile izateaz gain, berdintasunarekin eta aniztasunarekin duen konpromisoa sendotzen duen trestresna bihurtzen da. Musikak, beste behin ere, gizartea eraldatzeko tresna boteretsua izaten jarraitzen du”, adierazi dute gobernu taldetik.
