«Udalaren ekonomia onbideratuari esker iurretarren bizi-kalitatea hobetuko duten jarduerak», azaldu du Oskar Koka alkateak
IURRETA | Iurretako Udaleko Osoko Bilkurak 2.044.100 euroko kreditu gehigarria onartu zuen atzo, diruzaintzako gerakinaren kargura, 2023ko aurrekontua likidatu ondoren, hainbat arlotako proiektuak finantzatzeko. Onartutako kreditu gehigarria azpiegituren hobekuntzan eta jasangarritasunean aurrera egiteko proiektuetarako erabiliko da.
Oskar Koka alkateak soberakinekin finantzatu beharreko proiektuen garrantzia azaldu du: “Udalak ekonomia onbideratua du, iurretarren bizi-kalitatea hobetuko duten eta gure udalerriaren beharretara egokituko diren proiektuetan lanean jarraitzeko aukera ematen diguna. Horrela, Iurreta hobetzeko lanean jarraituko dugu “.
Hauek dira gauzatuko diren proiektu nagusiak:
- Bidebarrietako urbanizazioaren I. faseak 1.695.000 euroko aurrekontua izango du. Horrela, Udalak irisgarritasuna hobetuko duen eta inguruko bizilagunen oinezkoentzako espazioak 1.100 metro koadroraino handituko dituen proiektuari hasiera emango dio.
- Era berean, zati handi bat Ertzilla eta Mallabiena industrialdeko Iurretako udal-titulartasuneko kanpoko argiztapen-instalazioak berritzeko eta horien eraginkortasuna hobetzeko erabiliko da, zonako energia-eraginkortasuna hobetzeko.
- Kreditua aldatuta gauzatuko den hirugarren proiektua udal ibilgailu hibrido elektriko berri bat erostea izango da, egungo lur orotako ibilgailuaren ordez, 25 urte baino gehiago dituena. Jarduera honekin, Iurretako Udalak aurrera egiten jarraitzen du mugikortasun iraunkorrean eta garraioaren deskarbonizazioan, beroketa globalaren aurkako borrokan funtsezko ardatza baita.
