Tenperaturak nabarmen jaitsiko dira bihartik aurrera
EGURALDIA | Joan den asteburuko udazkenerako itzuliak datorren aste osoan jarraituko du, neguko kutsuekin gainera. Zeru grisei, tenperatura freskoei eta euriari elurraren itzulera gehituko zaie, eta Debabarreneko tontorrik altuenetan bota lezake, 1.100 metro inguruan. Asteazkenetik aurrera egoerak hobera egin du, ostarteak eta giro freskoa.
Astelehena, udazkena
Astelehenean giro fresko eta udazkenari eutsiko zaio. Tenperatura maximoak apur bat jaitsiko dira eta 15 gradu inguruan kokatuko dira. Ipar partean behe-hodeiek zerua estaliko dute berriro eta euria egingo du; zaparradak sarriago bota ditzake Bizkaian, batez ere goizean. Hegoaldean hodeiak ez dira hain trinkoak izango, giroa argiagoa izango da eta euririk gabe mantendu daiteke. Ipar-ekialdeko haizea ibiliko da, bolada gogorrekin kostaldean eta mendi inguruetan.
Asteartea, elurra mendietan
Asteartean joera bera mantenduko da, eta tenperaturak jaisten jarraituko du. Hodeiak ugariak izango dira eta zaparradak botako ditu, batez ere arratsaldetik aurrera. Arratsaldean eta gauean zaparradak gogorragoak eta trumoitsuagoak izan daitezke eta azken orduetan elur-kota 1.500 metrotik behera egon daiteke. Ipar-ekialdeko haizeak jotzen jarraituko du, kostaldean arraspatuta, eta maximoek behera egingo dute 11-15 gradu ingurura iritsi arte.
