Bi kaleen arteko pasabide seguru eta irisgarria ahalbidetzeaz gain, herritarrek gozatzeko gune bat izatea ahalbidetuko du.
ELORRIO | Elorriako Udalarentzat, 100 urte baino gehiagoz itxitako espazio publiko honen irekiera garrantzi handiko proiektua izan da eta horretarako inguru guztia egokitzeko beharrezko obrak egin dira: arrapala eta eskailera paraleloen bidez pasatzeaz gain, berdeguneak eta erabilera ludikoko egurrezko egitura jarri dira, batez ere txikienentzat. Neguan zuhaitz batzuk landatuko dira proiektuari amaiera emateko.
Lanak maiatzean hasi ziren eta espero baino denbora gehiago luzatu dira, proiektuari kantonamenduaren inguruko beste espazio batzuetan esku-hartzeak gehitu baitzaizkio. Horrela, oinezkoentzako gunerako sarbide zuzena ematen duen zebrabide goratua jarri da, eta oinezkoentzako pasabide berean jardun da, Goieta kalean; horrela, tarte irisgarriagoa eta seguruagoa lortu da.
Kalearen izena, Monjen Kantoia, Elorrioko toponimia kontsultatu ondoren aukeratu dute.
