Egun horietan seinaleztapen bertikala instalatzeko lanak amaitzea aurreikusten da
DURANGO | Durangoko Udalak lanean jarraitzen du udalerriko mugikortasuna eta bide-segurtasuna hobetzeko. Bizilagun batek egindako iradokizunari erantzunez, zebrabide berri bat prestatu da Tabira auzoan, konkretuki Izei, kalean.
Lanak aurreko astean egindako asfaltatzearekin hasi ziren, eta aste honetan dagokion seinale horizontalak pintatzen jarraitu dute. Aurreikuspenen arabera, egun horietan seinaleztapen bertikala instalatuta amaituko dira lanak, pasabide berria behar bezala ikusten dela bermatzeko.
Proiektua gauzatu ahal izan da udal brigadaren eta Lasuen enpresaren arteko lankidetzari esker, asfaltatze lanak egin baititu.
