DOT Durangaldea

94 6550 033   info@dot.eus

ZUZENEAN

San Juango lehen haur xake txapelketaren arrakasta

Larrasoleta Xake Taldeak antolaturik, 70 haurrek hartu zuten parte

 Parte-hartze handia San Juan txapelketan. ARGAZKIA: Larrasoleta

Parte-hartze handia San Juan txapelketan. ARGAZKIA: Larrasoleta

XAKEA | Asteburu entretenigarria eta xakez betea Larrasoleta Xake Taldeak bizi izandakoa. Larunbatean Munduko Arrozak kultur topaketarekin hasi zen Landako gunea. Talde durangarrak bere txapelketa soziala ospatuz eta xake partida batzuk jokatzera animatu zen oro gonbidatuz parte hartu zuen. Gainera, klubeko kideren batek bere sukaldaritzako dohainak erabili zituen paella bat egiteko.

Hurrengo egunean, klubaren azken hilabeteetako jarduerarik garrantzitsuenetako bat izan zen, San Juango lehen haur txapelketa, non 70 haur inguru bildu ziren hainbat kategoriatan eta klubeko xake eskolako ikasleen parte-hartze handiarekin. Azpimarratzekoa da Alluitz Azkarragaren garaipena Klubeko eskolako kimuen kategorian. “Oso pozgarria izan zen haurrek xakearen inguruan nola gozatzen zuten ikustea. Lehen txapelketa hau, datozen urteetan errepikatuko da eta eskualdean txapelketa erreferente bihurtzeko hazia izan da, antolatzen duten klubeko monitoreei esker. Asteburuko jarduera hauek klubak duen osasun ona islatzen dute. Datorren larunbatean, Tabirako jaietan, haur eta nagusien zain egongo gara xakeaz gozatzeko “, animatzen dute durangarrek.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

Scroll to Top