DOT Durangaldea

94 6550 033   info@dot.eus

ZUZENEAN

Lomi Power aparkalekuko 42 plazen behin-behineko zerrenda argitaratu du Ermuak

Zozketan saridunek aparkaleku bat izango dute hilean 60 euroren truke

42 izan dira esleipendunak
42 izan dira esleipendunak

ERMUA | Ermuko Udalak Lomi Powerreko 42 aparkaleku irekien esleipendunen behin-behineko zerrenda argitaratu du, joan den asteartean Lomi Powerreko aparkaleku estali berrian abonatu erregimeneko autoentzat egindako zozketa publikoaren ondoren. Hogei bat pertsonak parte hartu zuten zozketan.

Eskatutako baldintzak betetzen zituzten 113 pertsonak beren ibilgailuentzako plaza bat lortzeko aukera zuten. Eskatutako hiru baldintzak honako hauek ziren: garaje-plazaren xede den ibilgailuaren gidabaimena eta zirkulazio-baimena indarrean izatea, eta Ermuan erroldatuta egotea.

Lomi Powerreko aparkalekuak motorrentzako 15 plaza ere baditu, eta bi eskaera baino ez dira aurkeztu; mugikortasun urriko pertsonentzako beste plaza bat, berriz, aurkeztu den pertsona bakarrari esleituko zaio.

Zozketan saridunek aparkaleku bat izango dute hilean 60 euroren truke autoen kasuan, edo 20 euro hilean moto bat izanez gero. Prezio horiek urtero eguneratuko dira osoko bilkurak gainerako prezio publikoekin eta tasekin batera hartutako erabakiaren bidez.

Asteartean esleitutako plazez gain, Lomi Powerreko aparkalekuak txandakako aparkalekuko beste 42 plaza izango ditu, eta bi plaza gehiago mugikortasun murriztua duten pertsonentzat, beren erabilera-tarifekin.

Kontsultatu behin-behineko zerrenda

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

Scroll to Top