DOT Durangaldea

94 6550 033   info@dot.eus

ZUZENEAN

Garazi Sampedrok irabazi du Zazpi Pago Mendi Lasterketa

Durangoko Kirol Taldeko atxondoarra azkarrena izan zen Mallabian jokatutako proban

Garazi Sampedro nagusitu zen Mallabian.
Garazi Sampedro nagusitu zen Mallabian.

ATLETISMOA | Garazi Sampedrok Zazpi Pago Mendi Lasterketa txikiaren lehen edizioan parte hartu zuen joan den larunbatean, Mallabian, eta bera izan zen helmuga zeharkatu zuen lehen emakumea, Aitor Hernandez ermuarraren ordubete, 40 minutu eta 27 segundoko denborarekin, 15 minutu eta 3 segundora. Ibilbideari dagokionez, parte-hartzaileek 16 kilometro eta 750 metroko desnibela egin zuten.

Durango Kirol Taldeko federatuak, joan den larunbatean garaipena lortzeaz gain, hainbat lorpen lortu ditu, hala nola martxoan Mungian egin zen Euskadiko Trail Txapelketako lasterketa batean lortu zuen garaipena eta Avilan jokatutako mendi lasterketetako Espainiako txapelketan lortu zuen urrezko domina.

Korrikalari atxondoarrak ez du helbururik jartzen, baina «helburu desberdinak jartzen dizkiot neure buruari urtero», zehaztu du. Momentuz datorren larunbatean, ekainak 1, XI. Galdames Mendi Bira Lasterketan hartuko du parte.

 Nora Narbaiza zaldibartarra bigarren sailkatu zen txapelketan eta Itsasne Urkiaga zornotzarrak brontzea lortu zuen.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

Scroll to Top