Ostegun Santutik Pazko Astelehenera bitarteko epean ez da beharrezkoa izango udalerriko eremu arautuetan aparkatzeagatik ordaintzea
DURANGO | Aparkalekuaren denbora-muga arautzen duen TAO zerbitzua eten egingo da Durangon apirilaren 17tik 21era, bi egun horiek barne, Aste Santuko jaiekin bat eginez.
Epe horretan, TAO makinak zerbitzuz kanpo egongo dira, eta ez da beharrezkoa izango aparkaleku arautuetan ordaintzea. Neurri honen bidez, mugikortasuna erraztu eta erosotasun handiagoa eskaini nahi zaie bai herritarrei, bai egun horietan herria bisitatuko dutenei.
Aparkaleku espazioen erabilera arduratsua egitea eskatzen da, bereziki jende pilaketa handia egon daitekeen egunetan, guztion artean ingurune antolatu eta irisgarri bat mantentzen laguntzeko.
TAO zerbitzua berriro martxan jarriko da asteartean, apirilaren 22an.
