Lanak otsailaren 24ko astean hasiko dira eta bi asteko iraupena izango dute
DURANGO | Udalak Olleria kaleko espaloiko zati bat konponduko du, autobusen markesinaren atzealdean eta Txibitena 9 zenbakiaren alboan dagoen eremuan. Jarduketa 12.377 euroko aurrekontuarekin esleitu da, eta helburua oinezkoen irisgarritasuna eta segurtasuna hobetzea da.
Lanak otsailaren 24ko astean hasiko dira eta bi asteko iraupena izango dute. Epe horretan, espaloiko desnibelak ezabatuko dira, eta horrela ur metaketak saihestu eta azalera uniformea eta seguruagoa lortuko da oinezkoentzako.
