Ikasleak oso pozik agertu dira ekimena errepikatzeko gogoarekin
DURANGO | Lehen Hezkuntzako eta Bigarren Hezkuntzako ikasleek, horietako asko Fray Juan de Zumarraga, Nervers, Jesuitak eta San Antonio Institutuko 2030 Agendaren ordezkariak, JAED elkartearen aldeko merkatu solidarioa antolatu dute gaurko. Goizeko hamaiketatik ordu bata arte hamarnaka ikaslek lortu dute arropak, liburuak, jostailuak, zapatak baita bizikleta batean ere saltzea. Guztira, 650 euro inguru bildu dituzte, eta bihar JAEDi emango dizkiote, ikastetxeetako arduradunek aurreratu dutenez.
Ikasleak oso pozik agertu dira aurten lehen aldiz euren eskariz egiten ari ziren ekimenarekin. «Berriro errepikatzea gustatuko litzaiguke», aitortzen zuten saltzea lortu ez duten arropa batzuez betetako mahaiak jasotzen zituzten bitartean.
