Urkiola Landa Garapenaren helburua ingurumena zaintzen laguntzea da
DURANGALDEA | Urkiola Landa Garapena elkarteak Durangaldeko baserrietako hondakinak bildu eta kudeatuko ditu datozen hilabeteetan. Ekimen honi esker, baserritarrek hondakin fitosanitarioak, zoosanitarioak, plastikoak eta ardi-artilea kentzeko aukera izango dute, ingurumena zaintzen lagunduz. Hondakin fitosanitarioak, hau da, ongarrien ontzi hutsak, herbizidak eta fungizidak, Durangoko Garbigunean bilduko dira urte osoan zehar. Astelehenetik larunbatera. Goizez 9: 00-13:25 eta arratsaldez 15:30-18: 00. Igandeetan goizez bakarrik eskainiko da zerbitzua.
Hondakin zoosanitarioei dagokienez, animalien tratamendurako sendagai gisa: txertoen xiringak, artzain elektrikoen pilak… urtean bitan bilduko dira Abadiñoko DIBA kooperatiban, zehazki datorren ekainaren 25ean eta abenduaren 17an. Ordutegia arratsaldeko bederatzietatik ordu batera izango da eta arratsaldeko hirurak eta erdietatik zazpi eta erdietara.
Kanpaina honen barruan, negutegietako plastikoak eta silo boletako plastikoak biltzeko zerbitzu berezi bat ere antolatu da. Zerbitzu hau erabili aurretik izena eman beharko da martxoaren 12tik 16ra bitartean, 946 203 611 telefonora deituz edo landagarapena@landagarapena.eus helbidera mezu elektroniko bat bidaliz.
Azkenik, ardi-artilea uztailaren 8an eta 9an jasoko da. Bilketaren aurretik, informazio gutun bat bidaliko da baserrietara xehetasun gehiago emanez.
