Entrenamenduak ostiraletan izango dira, 19:00etan, Arripausuetan
RUGBY | Durango Rugby Taldeak aniztasun funtzionala duten pertsonentzako lehen talde inklusiboa osatzeko urratsak ematen jarraitzen du. Durangarrak hainbat bilera egin ditu GeuBe, Gorabide, Lantegi Batuak, guraso eta ikastetxeekin, proiektu berriaren berri emateko.
Errugbiaz gozatu nahi duten guztiei zuzenduta, entrenamenduak ostiraletan egiten ari dira, 19:00etan, Arripausuetan. “Momentuz asko dira gurekin entrenatzera eta errugbiaz gozatzera animatzen ari direnak. Arripausuetako ateak zabalik daude proiektu honetan parte hartu nahi duten pertsona guztientzat “, adierazi dute Durangaldetik.
