Elur-kota ere jaitsi eta egunaren amaieran 1000-1200 metrora egongo da
EGURALDIA | Asteartean giroa euritsua izango da eta tenperatura asko jaitsiko da. Zerua oso hodeitsu egongo da eta zaparradak sarri botako ditu; zenbait lekutan zaparradak trumoitsuak izan daitezke eta txingorra egin dezake, batez ere Kantauri isurialdean. Tenperaturak behera egingo du nabarmen eta maximoak 10 eta 14 gradu artekoak izango dira; minimoak azken orduetan neurtuko dira. Elur-kota ere jaitsi eta egunaren amaieran 1000-1200 metrora egongo da. Mendebaldeko haizea ibiliko da, ipar-mendebaldekoa nagusi, batez ere arratsaldean, bolada oso gogor batzuekin kostaldean eta Ebro ibarrean.
