Futbol taldea entrenatzaile berria kontratatzeko lanean ari da, eta datozen egunetan jakinaraziko dute
FUTBOLA | Amorebieta Kirol Elkarteak gaur arratsaldean jakinarazi du Julen Guerrerok ez duela lehen taldearen aulkian jarraituko. SDAko Zuzendaritza Batzordeak bere esker ona adierazi nahi izan dio Guerrerori klubera iritsi zen lehen egunetik izan duen profesionaltasunagatik eta dedikazioagatik, eta zorterik handiena opa dio, bai etorkizun profesionalean, bai arlo pertsonalean.
Zuzendaritza Batzordeak eta Kirol Zuzendaritzak erabaki mingarri hau hartu dute, lehen taldeak bere jokoan, emaitzetan eta sailkapen-ibilbidean inflexio-puntua ezarri behar duelako. Talde zornotzarra entrenatzaile berri baten kontratazioan ari da lanean, eta datozen egunetan bere nortasuna ezagutzera ematea espero du.
