Ertzaintzak 39 urteko gizon bat atxilotu zuen osasun publikoaren aurkako delitu bat leporatuta
PORTUGALETE |Astearte honetan Ertzaintzako agenteei jakitera eman zieten Portugaleteko ostalaritza-establezimendu batean droga-trafikoan ari zitezkeela. Agenteak bertaratu zirenean, tabernaren arduraduna lokaletik irten zen, eta, ertzainak ikustean, korrika hasi zen agenteen kontrako norabidean. Atzeman ondoren egin zioten prebentziozko miaketan substantzia sorgorgarriak eta ustez substantzien salmentatik ateratako dirua konfiskatu zizkioten.
Handik laster, Muskizko Ertzain-etxeko agenteek, Txakur Unitateko kideen laguntzaz, dirua aurkitu zuten taberna miatu zuten, eta txakurrek haxix zati txikiak zeuden leku bat markatu zuten. Agenteek guztira 30 gramo kokaina, 25 gramo haxix, poltsatxotan banatuta, eta 900 euro konfiskatu zituzten.
Tabernaren arduraduna, 39 urteko gizona, droga-trafikoagatik aurretik bi aldiz atxilotu dutena, ertzain-etxera eraman zuten eta gaur goizean bertan jarri dute epailearen eskuetan.
