Muguruzaren gol batekin aurretik jarri dira zornotzarrak atsedenaldiaren atarian.
GERNIKA – Amorebietak berdinketarekin itxi du denborazko aurreko azken aurreko proba, Gernikaren aurka Urbieta futbol zelaian jokatutako partiduan (1-1). Jon Castrilloren mutilek neurketa nagusitasunez hasi dute eta hainbat aukera garbi izan dituzte lehen zatian —Hernaizen jaurtiketa bat zutoinera barne—, baina gola 35. minutuan iritsi da, Muguruzaren erdiraketa pozoitu bat sareetara sartu denean.
Bigarren zatian partidua gehiago berdindu da. Murgoitiok lan ona egin behar izan du etxekoen arriskua uxatzeko, baina 69. minutuan Herri Torrontegik 1-1ekoa jarri du markagailuan. Azken txanpan bi taldeek izan dituzte garaipenaren golak gertu; Bikandik, esaterako, bigarren zutoinera bidali du baloia azken minutuetan. Azkenean, puntu banaketa eta sentsazio onak Ligaren hasieraren atarian.
