Probak hiru modalitate eskainiko ditu, denak Tabirako San Pedro elizatik abiatuta
DURANGO | Kirol eta mendi hitzordu garrantzitsua izango da Durangon datorren igandean, ekainak 21. Tabira Jai Batzordeak, Durangoko Udalaren eta tokiko hainbab babesleren laguntzarekin, VIII. Tabirako Mendi Martxa antolatu du. Eskualdean erabat finkatuta dagoen ekimen honek maila eta exigentzia fisiko guztietara egokitutako aukerak eskainiko ditu aurten ere.
Eguneko erdigunea Tabirako eliza izango da; bertatik abiatuko baitira hiru modalitateetako parte-hartzaileak:
Mendizale arruntentzat, familientzat zein ‘trail running’ zaleentzat egokia izan dadin, antolakuntzak hiru ibilbide zehatz diseinatu ditu:
-
Martxa Laburra: Lasaiago hartu nahi dutenentzat pentsatua. 10,33 kilometroko distantzia du, 431 metroko igoera eta 424 metroko jaitsiera. Irteerak 08:00etatik aurrera egingo dira, mailakatuta.
-
Martxa Luzea: Ibilbide exijenteagoa duena: 19,44 kilometro, 891 metroko igoera eta 896 metroko jaitsiera. Laburra bezalakoa, 08:00etatik aurrera hasi ahal izango da.
-
Lasterketa: Erlojuaren aurka lehiatu nahi duten korrikalariek martxa luzearen ibilbide tekniko bera osatuko dute (19,44 km, +891m eta -896m), baina irteera ofiziala eta bateratua 09:30ean izango da.
Izen-emateak
Dortsalak igandean bertan banatuko dira irteera gunean, goizeko 08:00etatik aurrera. Izen-emateak 12 euroko prezio bakarra du, eta horren barruan sartzen dira dortsala, kamiseta ofiziala, fatrikera, indarrak berritzeko hornidurak ibilbidean zehar eta proba amaitutakoan dutxak erabiltzeko aukera.
Parte hartu nahi duten guztiek kirolprobak.com webgunearen bidez ziurtatu dezakete lekua alderreko, edo, bestela, bertan eman dezakete izena proba hasi aurretik.
