Tokiko ekoizleen lana eta artisau-gaztaren balioa nabarmenduko dituen ekitaldia antolatu dute
DURANGALDEA | Berbalagun ekimenaren barne, eskualdeko lehen sektorea eta bertako produktuak ezagutzeko aukera eskainiko da urtarrilaren 28an, Urien Gaztandegira antolatutako bisita gidatuarekin. Goizeko 10:30ean hasiko den ekimenak Aitor Urienen etxaldera eramango ditu parte-hartzaileak, Sagastan, tokiko gaztagintzaren egunerokoa bertatik bertara ezagutzeko asmoz.
Bisitan zehar, etxaldearen funtzionamendua ezagutzeaz gain, gaztaren ekoizpen-prozesuaren azalpenak jasoko dituzte bisitariek, eta, amaitzeko, bertan ekoitzitako produktuak dastatzeko aukera izango dute. Antolatzaileek azaldu dutenez, helburua da tokiko ekoizpena balioan jartzea eta lehen sektorearekiko lotura indartzea.
Topagunea Abadiñoko Trinketeko aparkalekua izango da, eta handik kotxez igoko dira etxaldera. Parte hartu nahi dutenek aldez aurretik izena eman beharko dute, kartelan adierazitako telefono zenbakira deituta.
Ekimen honek interesa piztu du dagoeneko, eta Abadiñon eta Durangaldean tokiko produktuen aldeko apustuaren beste adibide bat bihurtu da.
