Tenperaturak 13 graduen artean kokatuko dira
EGURALDIA | Astea eguraldi lasai eta nahiko egonkorrarekin aurkezten da, hego haizea protagonista dela, tenperatura nahiko leunak mantenduko dituena, maximoak zein minimoak. Gainera, asteazkenetik aurrera ez da euri askorik espero.
Astelehena, hego haizea
Astelehenean hegoaldeko haizea indartsu ibiliko da eta traba egingo du; haizeguneetan bolada oso gogorrak neurtuko dira. Horren ondorioz, tenperatura apur bat igo daiteke ipar partean, baina hegoaldean maximoek berdintsu jarraituko dute. Minimoak, aldiz, igo egingo dira denean. Zeruan erdi mailako hodeiak eta goi-hodeiak izango ditugu, baina giroa nahiko argia izango da.
Martitzena, aldaketarik ez
Asteartean giroak ildo beretik jarraituko du. Erdi mailako hodeiak eta goi-hodeiak gailenduko dira eta arratsaldetik aurrera ugaritu egingo dira; baliteke orduan barnealdean euri pixka bat egitea. Hegoaldeko haizea indartsu ibiliko da hasieran, baina arratsaldean eta gauean ahulduz joango da. Tenperaturan aldaketa handirik gabe jarraituko dugu, edo apur bat jaitsiko da.
