Gaurko 15 graduetatik, merkurioa 11 gradura jaitsiko da asteazkenean
EGURALDIA | Datorren asteazkenean dator 2025ari agur esateko unea. Hiru egun horiek nahiko lasaiak izango dira, ostarteak izango dira, euri gutxi egingo du oro har, eta tenperaturak 15 gradu ingurukoak izango dira gaur, eta datozen egunetan 11ra jaitsiko dira. Itxura guztien arabera, 2026 urte honetako azken egunetan baino giro hotzagoarekin iritsiko da.
Astelehena, eguzkitsua
Astelehenean eguraldiak antzera jarraituko du. Ipar partean eguzkitsua izango da, nahiz eta tarteka erdi mailako hodeiak eta goi-hodeiak agertu. Egunaren amaieran behe-hodeiak ugarituko dira, batez ere kostaldean. Hegoaldean behe-lainoa eta behe-hodeiak agertuko dira goizean, eta egunaren zati handi batean iraun dezakete. Tenperatura jaitsi egingo da behe-lainoa dagoen lekuetan, eta gainerakoetan antzera jarraituko dute. Hego-haizea hasieran, gero aldakor geratuko da, eta mendebaldeko osagaia nagusituko da.
Asteartea, euri pixka bat
Astearteko lehen orduetan behe-hodeiak ugarituz joango dira nonahi, eta zerua estalita egongo da gainerako orduetan. Euri pixka bat eguneko orduetan, batez ere Kantauri isurialdean. Gauean elur-kota 1.500 metrotik behera kokatuko da, baina atertu egingo du. Goizean goiz, mendebaldeko haizea ibiliko da ipar-mendebaldetik, eta arratsaldetik aurrera, iparraldetik. Tenperatura maximoak jaisten, minimoak aldaketa askorik gabe.
