20 gradutik gorako maximoak espero dira eskualdean
Durangaldean aste honetarako iragarritako eguraldia IRAGARPENA: Zaldibar Meteo
EGURALDIA | Durangaldeak udazken hasierako antzeko astea izango du, azaroaren 10etik 16ra bitartean. Iragarpenen arabera, tenperatura goxoak eta eguraldi egonkorra nagusituko dira, eta euria soilik asteburuan ager liteke noizbehinka
Lunes, nubes y claros
Astelehenean hodeiak eta ostarteak tartekatuko dira, erdi mailako hodeiak eta goi-hodeiak nagusituz. Giroa nahiko argia izango bada ere, zeruan tarteka hodeiguneak nagusituko dira; baliteke hodeiguneren batek tantaren bat uztea. Goizean eta iluntzetik aurrera hego-haizea ibiliko da; eguerdi partean, iparraldetik jo dezake. Tenperaturan aldaketa nabarmenik ez da gauzatuko, baina gorakako joera izango du.
Martes, fuertes vientos
Asteartean hego haizea protagonista izango da. Enbarazu egingo du une askotan, eta bolada gogorrak eta oso gogorrak neurtuko dira haizelekuetan, batez ere mendi inguruetan. Zeruan hodeiak eta urdinguneak tartekatuko dira, eta giroa argia izango da; erdi mailako hodeiak eta goi-hodeiak nagusituko dira. Tenperaturak gora egingo du eta Kantauri isurialdeko zenbait puntutan zertxobait gehiago nabarituko da; maximoak 20 ºC-tik gora geldituko dira hainbat lekutan.
