Azoka plazan egingo da ohiko jardunaldia, 17:00etatik aurrera
SASKIBALOIA | Beste denboraldi batez, datorren ostiralean, irailak 19, Tabirako Baquek bere taldeen aurkezpen ofiziala egingo du merkatu plazan, federatuen eta eskolakoen artean 56 neska-mutil talde izango direlarik. “Urtetik urtera gero eta neska gehiagok jarraitu nahi dute saskibaloian, eta oraindik bi talde kadete ditugu, entrenatzera animatzen den pertsonarik ez dutenak. Saskibaloiarekin gozatzen duten pertsona guztiak pauso bat aurrera ematera animatzen ditugu. Esperientzia beti da atsegingarria, eta ematen dena baino gehiago jasotzen da. Tabirakotik saskibaloiaren bidez pertsonak prestatzeko helburuari eusten diogu, errespetutik, talde-lanetik, konpromisoz eta batez ere ilusio handiz gure bertsiorik onenera iristeko lanean “, azaldu dute talde durangarrak.
Ekitaldia 17:00etan hasiko da.
