Jarduera ekainaren 22tik uztailaren 17ra egingo da, eta izena emateko epea ekainaren 12an amaituko da
MALLABIA | Udalak 2026ko udarako aisialdi eskaintza prestatu du, herriko haur eta gazteei zuzendutako udaleku programaren bitartez. Helburua da adin tarte bakoitzera egokitutako jardueren bidez heziketa eta elkarbizitza sustatzea, ingurunea ezagutzeko eta taldean aritzeko aukerak eskainiz. Aurten ere, Udaleku Irekiak izango dira Mallabiko Udalaren eskaintza nagusiak. Horrez gain, programan izena emateko azken eguna ekainaren 12an izango da.
Udaleku Irekiak 2014 eta 2022 urteen artean jaiotako haurrentzat zuzenduta dago, hau da, 4 eta 12 urte bitartekoentzat. Ekainaren 22tik uztailaren 17ra egingo dira, astelehenetik ostiralera, goizeko 09:30etik 13:00etara. Programak 60 plaza eskaintzen ditu, eta Mallabian erroldatuta dauden haurrentzat zuzenduta dago. Horrez gain, izena emateko orriak Kultur Etxean egongo dira.
Mallabiko Udalak herriko gazteak gonbidatzen ditu udako jarduera hauetan parte hartzera, heziketa, harremanak eta esperientzia aberasgarriak uztartzen dituen eskaintza batez gozatzeko.
