Curriculumak bidaltzeko epea ekainaren 15era arte egongo da zabalik
DURANGO | Taula enpresak begiraleak kontratatzeko lan-deialdi berria jarri du abian hainbat proiektu artistiko eta dinamizazio ekintzatan lan egiteko. Lanpostu hauek lantalde gazte eta dinamiko baten barruan integratuko dira, eta konpainiaren beraren tarifen arabera araututako baldintzak izango dituzte.
Hautatutako langileek, besteak beste, ekintza desberdinetan begirale lanak egiteko, programazioak lantzeko, prebentzio-ikastaroetan parte hartzeko eta gazteekin dinamizazio saioak burutzeko ardura izango dute.
Eskatutako baldintzak eta baloratuko direnak
Deialdian parte hartu nahi duten hautagaiek honako baldintza hauek bete beharko dituzte:
-
Begirale titulua edo kidekoa izatea.
-
Euskaraz hitz egiteko gaitasuna (B2 mailatik aurrera).
-
Lan taldean aritzeko trebetasuna (malgutasuna, proaktibitatea eta ardura).
-
Malgutasuna, bai ordutegi aldetik, bai mugikortasun geografikoari dagokionez.
Era berean, Taulak oso kontuan hartuko ditu antolaketarako eta harremanetarako gaitasuna, ekimen propioak autonomiaz garatzeko sena, gidabaimena izatea eta Durangaldekoa izatea edo eskualdea ondo ezagutzea.
Aukeraketa prozesuaren datak
Prozesuan parte hartzeko hainbat egun garrantzitsu zehaztu ditu enpresak:
-
Ekainaren 15a (eguerdiko 12:00ak arte): Curriculumak bidaltzeko azken eguna.
-
Ekainaren 30a (gehienez): Elkarrizketa nork egin behar duen jakinaraziko da.
-
Uztaila: Lan-elkarrizketak hilabete honetan zehar egingo dira.
