Jaiegunetan hainbat txapelketa egingo dira
AMOREBIETA-ETXANO | Uda aurrera doan heinean, auzoetako jaiak ere aurrera doaz, Etxanoko jaien ondoren, asteburu honetan San Bartolome auzoko jaiak iritsiko dira. Auzoak ostiraletik igandera ospatuko ditu jaiak, egitarau zabalarekin.
Jaiak abuztuaren 23an, ostiralean, hasiko dira txupinazoarekin eta igandean amaituko dira trikitilariek alaitutako auzokideen parrillada batekin, 20:00etan. Jaiegunetan hainbat txapelketa egingo dira, haurrentzako magia ikuskizuna eta kantaldiak izango dira, besteak beste.
