DOT Durangaldea

94 6550 033   info@dot.eus

ZUZENEAN

Ostiraleko bero eta ekaitzen ondoren, eguraldi goibel eta freskoa itzuliko da astebururako

Gaurko 30 graduetatik, bihar merkurioa 21 gradutara jaitsiko da

 Gaur merkurioak 30 graduak gaindituko ditu Durangaldean GRAFISMOA: Unai García

Gaur merkurioak 30 graduak gaindituko ditu Durangaldean GRAFISMOA: Unai García

EGURALDIA | Termometroak 30 graduren bueltan ibiliko dira gaur, eta udako eguna izango da, baina iragankorra; izan ere, ekaitzak izateko aukerak, asteburu berri batean, eguraldi goibel eta freskoa ekarriko du, eta euri txikia egingo du.

Ostirala, eguzkia eta ekaitzak

Ostiralak beroa ekarriko digu lehenik, eta ekaitzak gero. Egunaren hasieran eguzkia agertuko da eskualde gehienetan, eta behe-hodeiak goizean zehar desagertuko dira. Tenperaturak 30 gradutik gorakoak izan daitezke barnealdean, eta kostaldean, berriz, 25 gradutik gorakoak.

Arratsaldean bero-hodeiak ugaritu egingo dira eta egunaren amaieran zaparradak eta trumoi-ekaitzak botako ditu. Gainera, kantauri aldean behe-hodeiak ugaritzea espero da azken orduetan. Haizeak ekialdetik joko du, leun, eta iparraldetik arratsaldean. Ekaitz-guneetan bolada gogorrak gerta daitezke.

Eguraldi hodeitsua eta euri txikia astebururako
Eguraldi hodeitsua eta euri txikia astebururako

Larunbata, hezea eta freskoa

Larunbatean giro heze eta freskora itzuliko gara. Ostiraleko beroen ondoren, larunbatean 20 graduak ozta-ozta gaindituko ditugu eta Nafarroa hegoaldean 25ºC-raino iritsiko dira. Egun grisa izango da eta euria edo zirimiria egingo du ipar partean. Zenbat eta hegoalderago, orduan eta giro lehorragoa, eguzkitan, nahiz eta noizean behin zirimiri batzuk egin dezakeen. Ipar-mendebaldeko haizea indartuko da, eta ziertzo bereziki bizia izango da arratsaldean Nafarroako hegoaldean.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

Scroll to Top