Eguneko tenperaturak nabarmen egingo du behera
EGURALDIA | Ostegunean, fronte berri bat iritsiko denez, lainotuko du eta euri kontuak itzuliko dira. Goizean goizetik, zerua oso hodeitsu egongo da eta euri txikia egingo du, Kantauri isurialdeko zenbait puntutan ertaina. Egunaren amaieran, hego partean atertu egingo du, Kantauri isurialdean berriz, gehiago kostatuko zaio, baina aterruneak luzeagoak izango dira. Ipar-mendebaldeko haizea ibiliko da, bolada gogorrekin kostaldean eta Ebro bailaran. Eguneko tenperaturak nabarmen egingo du behera eta giroa fresko samarra izango da.
