Urriaren 24tik azaroaren 14ra bitartean, larunbatetan umorea eta musika izango dira nagusi Muskizen
MUSKIZ | Zikloaren hasiera urriaren 24an iritsiko da Hodei Magoaren “Hiru elementu” magia ikuskizunarekin. Esperientzia interaktiboa da, lehenengo pertsonan ikusten eta sentitzen dena. Alberto Rios koru-munduaren zale sutsua eta kolaboratzaile sutsua omentzeko nazioarteko kontzertu korala ere ez da faltako. Aurten Londresko Epiphoni Consort Abesbatza izango da, hainbat aldiz saritua eta kritikak goraipatua.
Azaroaren 7an “Madness” komedia musikalaren txanda izango da, Yllana eta Primital Brothers konpainien eskutik sistemaren bazterretako bizitzari buruz. Hurrengo astean, “Los monólogos que te dije”, Agustín Jiménez umoristaren ikuskizuna eta liburua, ordubete baino gehiagoz eta mikrofonoa eskuan bere bakarrizketa onenetan zehar dabilena.
Emanaldi guztiak 19:00etan izango dira Meatzari Aretoan, Hodei Magoaren ikuskizuna izan ezik, bi emanaldi izango baititu: bat 19:00etan eta bestea 20:00etan. Ikuskizuneen prezioa 6 €-tik 15 €-ra bitartekoa da, baina emanaldi guztietarako abonua 35 €-ko prezioan jartzen da salgai. Gainera, abonu horrekin “Zirkozaurre” zirku galarako sarrera doan izango da abenduaren 13an.
