Ezbeharra goizeko hamarrak baino minutu batzuk lehenago gertatu zen, Olarreaga auzoan.
ZALDIBAR | Motorzale batek bizia galdu zuen joan den igandean Zaldibar eta Eibar artean izandako zirkulazio-istripu batean. Inplikatutako ibilgailuaren ustezko gidaria igandean bertan identifikatu eta atxilotu zuen Ertzaintzak, Segurtasun Saileko iturrien arabera.
Joan den igandean Ertzaintzak motorzale bat hil zen istripuan inplikatuta atxilotu zuen gidaria Eibarko Epaitegiaren esku utzi dute gaur, asteartea, eta bertan espetxeratzeko agindua eman dute.
Istripua igande goizean gertatu zen, Ibur Erreka industrialdean, Eibarko udalerriko errepide zati batean. Auto batek eta motozikleta batek talka egin ondoren (67 urteko biktima zihoan bertan), autoaren gidariak istripua gertatu zen lekutik alde egin zuen, Segurtasun Sailak baieztatu duenez.
Gipuzkoako Trafiko Unitateak egindako ikerketei esker, inplikatutako autoaren gidaria, 41 urteko gizon bat, identifikatu eta atxilotu zuten ordu batzuk geroago. Istripuaren inguruabarrei buruz ikertutako zantzuek osatu dituzte gaur, asteartea, atxilotuarekin batera Eibarko Epaitegian entregatu diren eginbideak, bide-segurtasunaren aurkako ustezko delituengatik, heriotza eragin duen zuhurtziagabekeria larriagatik eta istripua eragin ondoren gertakarien lekua uzteagatik.
Gaur Ertzaintzak jakitera eman duenez, Eibarko Guardiako Epaitegiak atxilotua espetxeratzeko agindua eman du.
