Roberto Fresco, Madrilgo Almudenako Katedraleko organista titularra, larunbat honetan, 20:00etan
ELORRIO | Roberto Fresco organo irakaslea da Madrilgo “Katarina Gurska” Goi Mailako Musika Eskolan. Kontzertista eta irakasle gisa egindako karrerak Europan, AEBetan, Latinoamerikan eta Filipinetako uharteetan zehar eraman du. Hainbat lan diskografiko ere egin ditu, antzinako zein XX. mendeko musikaz gain. Madril, Salamanca eta Palentziako kontserbatorioetan organo eta gako irakaslea izan da.
Elorrion “Bach y Händel: otra mirada” izeneko programa aurkeztuko du, Loret, Karg-Elert, Lehenbauer, Guilmant eta Dupréren lanekin.
Elorrioko Udalak eta Bizkaiko Foru Aldundiak babestutako kontzertua Bizkaiko hainbat eskualdetan udazkenero egiten den “Bizkaiko hotsak” XIX. Organo Jaialdiaren parte da. Sarrera doakoa izango da lekua bete arte eta pantailan proiekzioa izango du.
