Durangaldean tenperaturak gora egitea espero da
EGURALDIA | Larunbatean tenperaturak gora egingo du eta arratsaldean giro eguzkitsua nagusituko da. Ipar partean hodeitsu esnatuko da eta oraindik euri langarra egin dezake, bereziki ekialdean. Eguerdi aldera, atertu egingo du, hodeiak hautsiz joango dira eta arratsaldean hodei gutxi geratuko dira. Hegoaldean behe-lainoa sor daiteke goizean goiz, baina gainerako orduetan hodei gutxi egongo dira. Iparraldeko haizeek ez dute tenperatura igotzea eragotziko, batez ere barnealdean.
