Lanbide Heziketako ikastetxeek fabrikatutako auto elektrikoen txapelketa finkatua da
IURRETA | Aurten ere, eta dagoeneko zazpi dira, Iurreta Lanbide Heziketak Euskelec auto elektrikoen txapelketan parte hartuko du asteburu honetan. Eusko Jaurlaritzako Hezkuntza Sailak antolatu du, Tknikaren bitartez, eta lanbide-heziketako ikastetxeetako ikasleek ibilgailu elektriko bat diseinatu eta eraikitzen dute, mugimen-oinarri komun baten gainean – motorra, motor-kontrolatzailea eta bateriak –, talde-lana indartzeko eta sormena eta esparru esperimentala sustatzeko ezagutza teknikoak eskuratzeko garaian.
Euskelec, Lanbide Heziketako ikastetxeek egindako ibilgailu elektrikoen % 100 txapelketa, Gasteizko Andre Maria Zuriaren plazan izango da aurten. Bihar, larunbata, ibilgailuen egiaztapena egingo da eta igandean probak jokatuko dira. Euskelecen berriro parte hartu aurretik, Durangaldeko Telebistak Eloise Manga, Julia Panait eta Paul Aresti Administrazio eta Finantzetako hiru ikaslerekin hitz egin du, prototipoa amaitu arte prozesuan parte hartu baitute. Fabrikazio Mekanikoko irakasle Bego Gomezek ere azaldu ditu txapelketa finkatuaren asmoak eta Gasteizera joan aurreko sentsazioak.
