Tenperaturak 20 gradu inguruan mantenduko dira datozen egunetan
EGURALDIA | “Veroño” aren ostean, udazkeneko aste tipikoago bat dator, hego haizeak tenperatura leunak mantenduko ditu, baina hodei gehiago eta euri batzuk.
Astelehena, freskoagoa
Astelehenerako eguraldi aldakorra eta udazkena. Tenperatura maximoak berriro jaitsiko dira eta 20 ºC-ren bueltan mantenduko dira ia leku guztietan. Haizeak mendebaldetik joko du; oro har, hego-mendebaldetik, baina tarteka ipar-mendebaldetik joko du, batez ere arratsaldean eta kantauri isurialdean. Zerua hodeitsu egongo da, baina tarteka ostarteak zabalduko dira, batez ere arratsaldetik aurrera; euri txikia eta noizbehinka, euria indar handiagoz egin dezake goizaldean eta goizean goiz, eta kantauri isurialdean.
Asteartea, zaparradak
Asteartean zaparradak botako ditu iparraldean, ahulak oro har, baina kostaldean mardulagoak izan daitezke. Hegoaldetik euria noizbehinka iritsiko da. Egunaren amaieran euria baretu egingo da. Haizeak mendebaldetik joko du, eta hego-mendebaldea nagusituko da eguneko lehen konpasetan. Tenperatura maximoak gradu pare bat igo daitezke.
