Gau osoan ibiliko dira asteburu honetatik aurrera
DURANGALDEA | EuskoTrenek eta Bizkaibusek tren eta autobus zerbitzu zabala eskainiko dute egunez eta gauez, baita metroa (L3) eta tranbia ere, Bilboko Aste Nagusia dela eta, abuztuaren 17tik 25era bitartean.
Trenen ordutegiak kontsultatu HEMEN
Kontsulta itzazu gaueko busen ordutegiak HEMEN
Zehazki, gaueko busen, trenbidearen eta metroaren zerbitzua indartuko da, bi noranzkoetan, tarte hauetan:
- E1 Matiko/Bilbao-Elgoibar.
- E3 Kukullaga/Etxebarri-Lezama.
- E4 Matiko/Bilbao-Bermeo.
- L3 metro Bilbon (Matiko/Bilbao-Kukullaga/Etxebarri).
Tranbia
Bilboko tranbiaren kasuan, egunean 22 orduz ibiliko da Aste Nagusian. Su artifizialak botatzen direnean bakarrik etengo da. Hala ere, tranbia-zerbitzua alda dezakete jai-programako beste jarduera batzuek, mozketa zehatzak eskatzen badituzte.
Abuztuaren 17tik 25era bitarteko astean trenez, metroz edo tranbiaz bidaiatu behar duten pertsonei ordutegiak aldez aurretik kontsultatzea gomendatzen die Euskotrenek, bai APP ofizialean, bai www.euskotren.eus webguneko bilatzailean.
Informazio gehiago nahi izanez gero, erabiltzaileek Euskotreneko langileek zerbitzatutako geltokietara jo dezakete edo 944 333 333 telefono-zenbakira deitu. @euskotren de X. kontua ere eskura dute.
