Apirilean eta maiatzean egingo dira eta izena martxoaren 29ra arte eman daiteke
ERMUA | Haurrentzako magia eta eskulan tailerrak bueltan daude eta Ermuko liburutegiak apirilean eta maiatzean egingo diren saioen berri eman du.
2013., 2014. eta 2015. urteetan jaiotako adingabeentzako magia tailerra euskaraz emango da. Lau saio izango ditu eta liburutegiko hirugarren solairuan egingo dira ondoz ondoko lau asteartetan, 17:30etik 18:30era. Apirilak 1, 8, 29 eta maiatzak 6 dira tailerren datak.
Eskulanen tailerra ere euskaraz emango da, eta 2019an eta 2020an jaiotako adingabeentzat izango da. Beste lau saio egingo dira liburutegiko hirugarren solairuan, ondoz ondoko lau asteazkenetan, 17:30etik 18:30era. Datak apirilaren 2, 9 eta 30a eta maiatzaren 7a dira.
Tailer hauek doakoak dira eta izena martxoaren 29ra arte eman daiteke hemen.
