Landarea lortzeko, martxoaren 18a baino lehen eman beharko da izena
![](https://dotb.eus/wp-content/uploads/2024/01/Talde-argazkia-2-zuhaitzak-elorrio-500x300.jpg)
ELORRIO | Basoen Nazioarteko Eguna dela eta, Elorrioko Udalak zuhaitz autoktonoak banatuko ditu herritarren artean. Zuhaitzak Bizkaiko Foru Aldundiak ematen ditu. Espezie autoktonoa da, Quercus robur (haritz autoktonoa).
Landarea lortzeko ezinbestekoa izango da martxoaren 18a baino lehen HEMEN izena ematea. Horretarako, baldintza batzuk bete beharko dira, adibidez, Elorrion erroldatuta egotea. Pertsona bakoitzak gehienez bost landare jasoko ditu, 50 zentimetro ingurukoak eta sustraietan sustraiak eskuilatuta. Izenak hartuko dira zuhaitzak agortu arte.
Basoen Nazioarteko Eguna ospatzeaz gain, ekimenaren bidez elorriarrak sentsibilizatu eta zuhaitzen onura ugariez kontzientziatu nahi dira.
Informazio gehiago jaso nahi izanez gero, idatzi ingurumena@elorrio.eus helbidera edo deitu 946 57 08 14 telefonora.