Parte hartzeko turismo bulegoan izena eman beharko da, e-mailez edo 94 6033938 telefonora deituz.
DURANGO | Durangoko Turismo Bulegoak, Gerediaga Elkartearekin batera, doako bisita gidatuen programa bat antolatu du. Asteburu honetan, ekainaren 22an eta 23an, lau bisita gidatu eskainiko dira. Bisita hauetan parte hartzea Durangoko historia eta kulturari buruzko ezagutza zabaltzeko aukera paregabea da. Bisita gidatuak euskaraz egiteko ahalegina berezia izan denez, Udalak dei egin die herritarrei Durangoko altxorrak euskaraz ezagutzera. Izan ere, euskarazko bisita gidatuetan, gidari adituek Durangoko historia eta gertaerak modu erakargarrian azalduko dizkizute, herria hobeto ezagutzeko aukera paregabea eskainiz.
Hauek dira bisita horien datuak:
Ekainak 22, larunbata: DURANGO ZURI-BELTZEAN. Betaurreko estereoskopiko batzuen laguntzaz, historian zehar Durango hiria nola aldatu den ikusiko dute. 10:30 gaztelania – 12:30 euskara.
Ekainak 23, igandea: DURANGO 0 gunea. Bisita honen bidez, 1937ko martxoaren 31ko bonbardaketak Durangon utzitako aztarnak ikusi eta ezagutuko ditugu. 10:30 euskara – 12:30 gaztelania.
Gainera, uztailean 3 bisita gehiago eskainiko dira:
Uztailak 6 eta 20, larunbata: DURANGO HISTORIAN BARRENA. 1997ko urtarrilaren 14an Monumentu Multzo izendatu zuten Durangoko hirigune historikotik ibilaldi bat egitea baliagarria izango zaigu historian atzera pauso bat emateko eta hainbat garaitako Durango ezagutzeko.
Uztailak 6:10:30 gazteleraz – 12:30 euskaraz. Uztailak 20:11:00 gazteleraz.
Parte hartzeko izena eman behar da Turismo Bulegoan bertan (Kurutziaga, 38), 94 603 39 38 telefonoan edo turismo@durango.eus helbidera mezu elektroniko bat bidaliz.
