Eskualdea zerbitzu hori gabe egon da ostiraletik, langile faltagatik
Durangaldeak anbulantzia zerbitzua berreskuratu du
DURANGO | Ia bi egunez jarraian anbulantzia-zerbitzurik gabe egon ondoren, Durangoko Udalak jakitera eman du atzo larunbata, 21:00etan, erizaintzako langileak lanean hasi ondoren, zerbitzua berrezarri zela.
Udaleko iturrien arabera, Mireia Elkoroiribe alkatea harremanetan jarri zen Eusko Jaurlaritzako Osasun Sailarekin, zerbitzuaren normaltasuna berreskuratu ahal izateko.
Nabarmentzekoa da ostiralean ez zela zerbitzurik egon egun osoan, gauez gidaria bakarrik egon zen, eta atzo goizean Basaurira bidali zuten teknikaria, erizaintzako langilerik ez zegoelako Durangoko zerbitzua betetzeko. «Udal gobernuaren helburua Durangon eta eskualdean osasun zerbitzu on bat eskaintzeko lan egitea da», nabarmendu dute.
