Astelehen honetatik aurrera laguntza humanitarioa jasoko da Amorebieta-Etxanoko Zelaieta frontoian
DURANGALDEA | Partikularrak, enpresak edo elkarteak mobilizatu dira azken orduetan DANAk kaltetu dituen milaka pertsonei laguntza emateko, orain arte 158 pertsona hil eta dozenaka desagertu baitira.
Albiste hau eguneratzen joango gara, Durangaldeko biztanleei antolatzen ari diren mugimendu solidario berriak helarazteko, herritar kaltetuenei laguntza emateko.
Norbaitek informazioa DOTera bidali nahi badu, posta elektronikoz (info@dotb.eus) edo Whastapp bidez (656182430) bidal dezake.
Amorebieta-Etxano
Astelehen honetatik, azaroaren 4tik, asteazkenera bitartean, laguntza solidarioa jasoko da Zelaieta pilotalekuko sarreran, Valentziara bidaltzeko. Kutxak behar dira, zigilua bidalketa prestatzeko. Bultzatzaileek mantak, janari ez galkorra, higiene-produktuak, ura, kandelak, bateriak, linternak… eramateko deia egiten dute. «Laguntza haraino helarazteko modu bat bilatu behar dut, baita materiala jasotzen duen elkarte edo GKE bat ere, banatu ahal izateko», azaldu du Aitor Aparicio mugimendu horren bultzatzaileak.
Durango
Aita Menniko Elkartasun arduradunak, Egoitz Zabala durangarrak, “tragedia latz honen aurrean parte hartzera” animatu du eta azaldu du Aita Mennik, Durangoko Jose Miel Barandiaran egoitza kudeatzen duen erakundeak, bat egin duela Caritas Valenciaren diru bilketa kanpaina honekin, mantak eta oinarrizko elikagaiak erosteko. Horretarako, astebetez itsulapiko bat jarriko dute egoitzan. Dohaintzak honako kontu hauetan ere egin daitezke: Valentziako Caritas: Caixa Popular: ES19 3159 0078 5716 6338 6025 eta Caixabank: ES02 2100 8734 6113 0064 8236
Durangon ere jende talde bat bidaia bat antolatzen ari da azaroaren 22rako. Laguntza humanitarioa, palak, kuboak, pixoihalak, oihaltxoak, edateko ura… azaroaren 13an jasoko dira Daykyn, kalebarria 17an.
Durangon ere Durangoko Kalekumeak elkarteak antolatuta: Bihar larunbata jaki bilketa Iurretako animalia dendan. Astelehen eta astearteetan 17:30etatik 19:30etara Matxinesteta 10eko bere lokalean. Dohaintzak jasotzeko (mantak, arnesak, janaria…), eta baita egun horietan Mikeldi kaleko «Errematatzen» denda ere.
“Ostegunean, aterpetxeko kolaboratzaile bat Valentziara jaitsiko da jasotzen den guztia eramateko, eta dias batzuk geratuko dira han, laguntzeko”, azaldu dute elkartetik.
