Eguraldi aldaketaren ondorioz, eguneko tenperaturak zertxobait jaitsiko dira
EGURALDIA | Asteazkenean giroa nahasiagoa izango da. Haizeak hego-ekialdetik joko du eta zakar ibiliko da, batez ere egunaren amaieran. Goizaldean hodeiak ugaritu egingo dira denean eta goizetik aurrera zerua oso hodeitsu egongo da orokorrean. Egunaren erdiko orduetan zaparrada txiki batzuk botako ditu han-hemenka, baina leku gehienetan ateri eutsiko dio. Arratsalde-gau partean zaparradak botako ditu denean, zenbait lekutan mardulak eta trumoitsuak agian. Barnealdeko tenperatura maximoak asko jaitsiko dira, kostaldeko altuenak gutxi.
