Tenperatura maximoak zertxobait jaitsiko dira
EGURALDIA | Asteartean hobekuntza nabarituko dugu orduek aurrera egin ahala. Euria egingo du berriro ipar partean, ugarixeago isurialde kantauriarreko ekialdean eta batez ere egunaren lehen partean, arratsaldean atertu egingo baitu. Arabako hegoaldean eta Nafarroako erdialdean eta hegoaldean, oro har, egun eguzkitsua espero dugu, eta goizean tarteka hodeiak agertuko dira. Ipar-mendebaldeko haizea ibiliko da, arratsaldean biziagoa. Tenperatura maximoak zertxobait jaitsiko dira.
