Segurtasun Sailak maila goreneko abisuari eutsi dio datozen egunetarako ere
DURANGALDEA | Euskadi astintzen ari den bero kolpeak gogor jarraituko du. Euskalmetek, Euskal Meteorologia Agentziak, alerta gorria luzatzea erabaki du, eta asteleheneko abisuari asteartekoa eta asteazkenekoa gehituko zaizkio, muturreko tenperatura altuek bere horretan jarraituko dutela aurreikusita.
Egoera ikusita, Segurtasun Sailak protokoloak indarrean mantenduko ditu eguneko ordu zentraletan, termometroek eskualdeko hainbat puntutan berriro ere 40 °C-ko muga gainditu dezaketelako. Gainera, gauetan ere giroa oso itogarria izango da eta nekez jaitsiko dira tenperaturak 20 gradutik behera, “gau tropikalak” errepikatuz.
Bero jasanezin honekin batera, hego haizeak eta lurraren lehortasun anyitzak baso-sute arriskua handituko dute Durangaldean eta lurralde osoan zehar. Hori dela eta, agintariek neurriak zorroztasunez mantentzeko deia egin diete herritarrei: likido asko edan, eguzkitan ahalegin fisikorik ez egin eta pertsona nagusi zein umeak bereziki zaindu.
